ਇਕ ਹੋਰ ਹਵਾਈ ਸਫ਼ਰ ਦਰਮਿਆਨ ਵੱਡੀ ਚਿੰਤਾ ਦੀ ਗੱਲ ਸਾਹਮਣੇ ਆਈ ਹੈ।
ਲੰਡਨ ਤੋਂ ਮੁੰਬਈ ਆ ਰਹੀ Air India ਦੀ ਉਡਾਣ ਵਿੱਚ 5 ਯਾਤਰੀਆਂ ਅਤੇ 2 ਕੈਬਿਨ ਕਰਮਚਾਰੀਆਂ ਦੀ ਤਬੀਅਤ ਅਚਾਨਕ ਖਰਾਬ ਹੋ ਗਈ।
ਇਹ ਘਟਨਾ ਉਡਾਣ ਦੌਰਾਨ ਵਾਪਰੀ, ਜਿੱਥੇ ਕਈ ਲੋਕਾਂ ਨੇ ਚੱਕਰ ਆਉਣ ਅਤੇ ਮਤਲੀ ਦੀ ਸ਼ਿਕਾਇਤ ਕੀਤੀ। ਦੱਸਿਆ ਜਾ ਰਿਹਾ ਹੈ ਕਿ ਇਕ ਕੈਬਿਨ ਕਰਮਚਾਰੀ ਤਾਂ ਅਚਾਨਕ ਬੇਹੋਸ਼ ਹੋ ਕੇ ਡਿੱਗ ਗਿਆ।
ਸਭ ਦੇਣ ਵਾਲੇ ਸੰਕੇਤ ਇਸ ਗੱਲ ਵੱਲ ਇਸ਼ਾਰਾ ਕਰ ਰਹੇ ਹਨ ਕਿ ਇਹ ਮਾਮਲਾ ਭੋਜਨ ਵਿੱਚ ਕੁਝ ਗੜਬੜ ਹੋਣ ਕਰਕੇ ‘ਫੂਡ ਪੋਇਜ਼ਨਿੰਗ’ ਦਾ ਹੋ ਸਕਦਾ ਹੈ।
ਉਡਾਣ ਸਲਾਮਤੀ ਨਾਲ ਮੁੰਬਈ ਵਿੱਚ ਲੈਂਡ ਹੋਈ, ਜਿੱਥੇ ਪਹਿਲਾਂ ਤੋਂ ਹੀ ਮੈਡੀਕਲ ਟੀਮਾਂ ਤਿਆਰ ਸਨ। ਸਾਰੇ ਬੀਮਾਰ ਯਾਤਰੀਆਂ ਅਤੇ ਕਰਮਚਾਰੀਆਂ ਨੂੰ ਤੁਰੰਤ ਇਲਾਜ ਲਈ ਭੇਜ ਦਿੱਤਾ ਗਿਆ।
ਏਅਰ ਇੰਡੀਆ ਵੱਲੋਂ ਅਧਿਕਾਰਕ ਤੌਰ ‘ਤੇ ਕਿਹਾ ਗਿਆ ਹੈ ਕਿ ਮਾਮਲੇ ਦੀ ਜਾਂਚ ਚਲ ਰਹੀ ਹੈ ਅਤੇ ਜਲਦ ਕਾਰਨ ਸਾਹਮਣੇ ਲਿਆਂਦੇ ਜਾਣਗੇ। ਹਵਾਈ ਸੁਰੱਖਿਆ ਵਿਭਾਗ ਵੀ ਇਸ ਤਤਕਾਲੀ ਸਥਿਤੀ ਦੀ ਸਖਤ ਜਾਂਚ ਕਰ ਰਿਹਾ ਹੈ।