ਆਸਟ੍ਰੇਲੀਆ ਵਿੱਚ 10 ਦਸੰਬਰ 2025 ਤੋਂ ਸੋਸ਼ਲ ਮੀਡੀਆ ਦੀ ਘੱਟੋ-ਘੱਟ ਉਮਰ ਵਾਲਾ ਕਾਨੂੰਨ ਅਧਿਕਾਰਿਕ ਤੌਰ ‘ਤੇ ਲਾਗੂ ਹੋ ਰਿਹਾ ਹੈ। ਇਸ ਕਾਨੂੰਨ ਦੇ ਅਨੁਸਾਰ ਹੁਣ ਦੇਸ਼ ਭਰ ਦੇ 16 ਸਾਲ ਤੋਂ ਘੱਟ ਉਮਰ ਦੇ ਬੱਚੇ Facebook, Instagram, TikTok, Snapchat, X, YouTube, Reddit, Twitch, Kick ਅਤੇ Threads ਵਰਗੇ ਪਲੇਟਫਾਰਮਾਂ ‘ਤੇ ਅਕਾਉਂਟ ਨਹੀਂ ਬਣਾ ਸਕਣਗੇ।
eSafety Commissioner ਦੇ ਦਫ਼ਤਰ ਵੱਲੋਂ ਬਣਾਇਆ ਗਿਆ ਇਹ ਕਾਨੂੰਨ ਬੱਚਿਆਂ ਦੀ ਡਿਜ਼ਿਟਲ ਸੁਰੱਖਿਆ ਨੂੰ ਧਿਆਨ ਵਿਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸ ਪਾਬੰਦੀ ਦੀ ਜ਼ਿੰਮੇਵਾਰੀ ਬੱਚਿਆਂ ਜਾਂ ਮਾਪਿਆਂ ਦੀ ਨਹੀਂ, ਸਿੱਧੀ ਤੌਰ ‘ਤੇ ਸੋਸ਼ਲ ਮੀਡੀਆ ਕੰਪਨੀਆਂ ਦੀ ਹੈ। ਜੇ ਕੋਈ ਕੰਪਨੀ ਉਮਰ ਦੀ ਇਹ ਪਾਬੰਦੀ ਲਾਗੂ ਕਰਨ ਵਿਚ ਨਾਕਾਮ ਰਹਿੰਦੀ ਹੈ ਤਾਂ ਉਸ ਨੂੰ 49.5 ਮਿਲੀਅਨ ਡਾਲਰ ਤੱਕ ਦਾ ਜੁਰਮਾਨਾ ਭੁਗਤਣਾ ਪੈ ਸਕਦਾ ਹੈ।
ਇਸ ਕਾਨੂੰਨ ਵਿੱਚ ਮਾਪਿਆਂ ਨੂੰ ਵੀ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਮਨਜ਼ੂਰੀ ਦੇਣ ਦੀ ਗੁੰਜਾਇਸ਼ ਨਹੀਂ ਹੈ। ਇਸਦਾ ਮਤਲਬ ਹੈ ਕਿ ਬੱਚਿਆਂ ਲਈ ਸੋਸ਼ਲ ਮੀਡੀਆ ਤੱਕ ਪਹੁੰਚ ਮੁੱਲ ਤੋਂ ਹੀ ਰੋਕ ਦਿੱਤੀ ਗਈ ਹੈ, ਚਾਹੇ ਮਾਪੇ ਇਜਾਜ਼ਤ ਦੇਣਾ ਚਾਹੁੰਦੇ ਹੋਣ।
Meta ਕੰਪਨੀ — ਜਿਸ ਵਿੱਚ Facebook, Instagram ਅਤੇ Threads ਸ਼ਾਮਲ ਹਨ — ਨੇ 4 ਦਸੰਬਰ 2025 ਤੋਂ ਹੀ Under-age ਮਿਲੇ ਅਕਾਊਂਟ ਨੂੰ Deactivate ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਜਿਹੜੇ ਯੂਜ਼ਰ ਗਲਤੀ ਨਾਲ Under-age ਫਲੈਗ ਹੋ ਗਏ ਹਨ, ਉਹ Age Verification ਰਾਹੀਂ ਅਪੀਲ ਕਰ ਸਕਦੇ ਹਨ।
ਕਈ ਪਲੇਟਫਾਰਮਾਂ ਨੂੰ ਇਸ ਕਾਨੂੰਨ ਤੋਂ ਛੂਟ ਦਿੱਤੀ ਗਈ ਹੈ, ਜਿਵੇਂ WhatsApp, Messenger, YouTube Kids, Google Classroom ਅਤੇ ਪ੍ਰੋਫੈਸ਼ਨਲ ਨੈੱਟਵਰਕਿੰਗ ਸਾਈਟਾਂ। ਇਹ ਸੇਵਾਵਾਂ ਸਿੱਖਿਆ ਜਾਂ ਸੰਚਾਰ ਨਾਲ ਸਬੰਧਿਤ ਹਨ, ਇਸ ਲਈ ਇਨ੍ਹਾਂ ਨੂੰ Public Utility ਮੰਨਿਆ ਗਿਆ ਹੈ।
ਇਸ ਕਾਨੂੰਨ ਨਾਲ ਇੱਕ ਪਾਸੇ ਬੱਚਿਆਂ ਦੀ ਆਨਲਾਈਨ ਸੁਰੱਖਿਆ ਵਿੱਚ ਵਾਧਾ ਹੋਏਗਾ, ਤਾਂ ਦੂਜੇ ਪਾਸੇ Age Verification ਅਤੇ Privacy ਨੂੰ ਲੈ ਕੇ ਚਰਚਾ ਵੀ ਜ਼ੋਰਾਂ ‘ਤੇ ਹੈ। ਵਿਸ਼ੇਸ਼ਜਗ ਕਹਿੰਦੇ ਹਨ ਕਿ 16 ਤੋਂ ਘੱਟ ਬੱਚੇ VPN ਜਾਂ Fake ID ਦੀ ਵਰਤੋਂ ਕਰਕੇ ਅਕਾਊਂਟ ਬਣਾ ਸਕਦੇ ਹਨ, ਜਿਸ ਨਾਲ Enforcement ਮੁਸ਼ਕਲ ਹੋਵੇਗੀ।
ਆਸਟ੍ਰੇਲੀਆ ਇਸ ਨੀਤੀ ਨਾਲ ਦੁਨੀਆ ਵਿੱਚ ਪਹਿਲਾ ਦੇਸ਼ ਬਣ ਸਕਦਾ ਹੈ ਜੋ 16+ ਉਮਰ ਦੀ ਡਿਜ਼ਿਟਲ ਪਾਬੰਦੀ ਨੂੰ ਇਹਨੀ ਸਖ਼ਤੀ ਨਾਲ ਲਾਗੂ ਕਰ ਰਿਹਾ ਹੈ, ਅਤੇ ਇਹ ਹੋਰ ਦੇਸ਼ਾਂ ਵਿੱਚ ਵੀ ਨਵੀਂ ਚਰਚਾ ਨੂੰ ਜਨਮ ਦੇ ਰਿਹਾ ਹੈ।